Франческо Тотти: “Ҳозирги нарх-наво бўйича баҳоим 200 млн евро бўларди”
14 feb 2018 01:22
News

Франческо Тотти: “Ҳозирги нарх-наво бўйича баҳоим 200 млн евро бўларди”

“Рома” афсонаси Франческо Тотти ўз вақтида Рим клубига ҳурмати сабаб “Реал”га рад жавобини бергани ва фаолиятига доир бошқа қизиқарли маълумотлар билан ўртоқлашди.

“Айтишга арзигулик таклифни 2003-2004 йилги мавсумда “Реал” клубидан олгандим. Ўшанда “Рома”га ҳурматим сабаб бу таклифга кескин рад жавобини берганман. Мақсадим битта жамоада фаолиятимни якунлаш бўлган эди.

Бу билан қайсидир маънода мен ўшанда кўплаб совринлардан ҳам воз кечганман. Совринлар учун ҳеч қачон ачинмайман. Биргина армоним бу “Олтин тўп” бўлиб қолди. Агар “Реал”, “Ювентус” ёки “Милан”да ўйнаганимда бу орзумга ҳам эришардим.

Ҳозирги нарх-навога кўра трансфер сумма қанчани ташкил қилиши мумкин эди? Аниқ айта оламан, камида 200 млн евро”, - деди Тотти Football Italia нашрига берган интервьюсида.