Флорентино Перес: «Роналду билан боғлиқ вазиятда нима бўлганини билмайман, барчаси ғалати»

«Ҳали Криштиану билан гаплашганим йўқ. Сўнгги пайтларда президентлик сайловига эътибор қаратдим.

Буларнинг барини газеталардан билдим. Ҳозирча якуний қарор йўқ. Криштианунинг клуб билан шартномаси бор, шу боис у «Реал» футболчиси. У билан гаплашиб кўрамиз.

Ҳозир Криштиану муҳим мусобақада иштирок этмоқда. Уни чалғитмоқчи эмасман, бу вазиятда нима бўлганини билмайман, аммо бари ғалати.

Криштиану – яхши йигит ва ҳақиқий профессионал. У билан гаплашиб олганимда барчаси аниқ бўлади.

Роналду солиқларни тўламаслигига ҳеч қандай сабаб йўқ», – дейди Перес.