Latest news

20:21"Кристал Пэлас" Европа Лигасида четлаштирилиши бўйича спорт арбитраж судига апелляция берди  0 20:20Мираброр Усмонов Кубоги-2025. Ўзбекистон U-23 - Саудия Арабистони U-23 (матнли трансляция)  6 19:51Хави Симонс "Челси"га ўтишга рози  1 19:27Де Хеа: "Манчестер Юнайтед"да ўтказган йилларим учун Англиядан тушган таклифларни рад этдим"  2 18:57Гёкереш "Арсенал"да — Here We Go!  6 18:40Эрдоған асос солган, Шомуродов ва Файзуллаев жамоаси "Истанбул Башакшеҳир" билан танишамиз  3 18:20"Челси" Доннарумма трансферига қизиқмоқда  1 17:58Аббос Файзуллаев тиббий кўрикдан ўтолмагани ҳақидаги хабарлар ҳақиқатга тўғри келмайди  14 17:27Ўзбекистонда футболнинг янги қоидалари кучга киради  10 17:11Расман: "Машъал" Яшинни трансфер қилди  4 16:57Япония U-23 терма жамоасининг Мираброр Усмонов Кубоги учун қайдномаси маълум  2 16:30Гёкереш "Манчестер Юнайтед" таклифини рад этди ва "Арсенал"га ўтишга умид қилмоқда  1 16:03Саудия Арабистони U-23 терма жамоасининг Мираброр Усмонов Кубоги учун қайдномаси эълон қилинди  4 15:46"Хоразм" 6 нафар футболчи кетганини эълон қилди  0 15:20"Андижон" "Сурхон" ярим ҳимоячисини қўлга киритди  1

ФИФА Кенгаши йиғилишида муҳим қарорлар қабул қилинди News

ФИФА Кенгаши йиғилишида муҳим қарорлар қабул қилинди

Кеча, 7 март куни АҚШда ФИФА Кенгаши йиғилиши бўлиб ўтди.

Алишер Никимбаевнинг ёзишича, ушбу йиғилишда бир қатор муҳим қарорлар қабул қилинди.


2025 йилги клублар ўртасидаги Жаҳон кубогининг умумий фонди 1 миллиард долларни ташкил қилади. Бундан ташқари, турнирдан тушган даромаднинг бир қисми дунёда футболни ривожлантиришга йўналтирилади.

2031 йилги аёллар Жаҳон кубогини ўтказиш учун АФК (Африка футбол конфедерацияси) ва КОНКАКАФ таркибига кирувчи футбол федерациялари, 2035 йилги турнир учун эса АФК ва УЕФА вакиллари ариза топширишлари мумкин.

Аёллар ўртасидаги биринчи клублар Жаҳон чемпионати 2028 йилда бўлиб ўтади. ОФК унда иккита тўғридан-тўғри ва плей-оффга битта йўлланма олади. Турнир ҳар тўрт йилда бир марта ўтказилади.

Аёллар ўртасидаги клублар Жаҳон чемпионати тақвимда бўлмаган йилларда ФИФА қитъа клуб турнирлари ғолиблари учун Чемпионлар кубогини ўтказади.

Янги Қитъалараро Кубоги ўйинларининг саналари тасдиқланди: Америкалар дербиси 10 декабрда, Даъвогарлар кубоги 13 декабрда, Қитъалараро Кубоги финали эса 17 декабрда бўлиб ўтади.
Расмий хабарда бу ўйинларнинг ўтказилиш жойи кўрсатилмаган, лекин болалигимиздаги бир қўшиқда айтилганидек, "биз биламиз". Қитъалараро Кубоги иккинчи марта Доҳада ўтказилади. Шундай экан, 31 майда УЕФА Чемпионлар лигаси финалида ким ғолиб бўлишини кутамиз ва шунга қараб "Ливерпуль", "Барселона", "Бавария" ёки бошқа жамоа мухлисларини кутиб олишга тайёрланамиз.


ФИФАнинг бошқа турнирларининг саналари ҳам тасдиқланди. Масалан, 17 ёшли ўғил болалар ўртасидаги Жаҳон чемпионати режалаштирилганидан икки кун эртароқ — 3 ноябрда бошланади. Бу турнир форматининг ўзгариши билан боғлиқ. Дастлаб гуруҳ босқичидан сўнг дарҳол 1/8 финал бўлиши, яъни 12 та гуруҳдан фақат 16 та жамоа чиқиши режалаштирилган эди. Энди эса 1/16 финал жорий этилишига қарор қилинди, яъни гуруҳлардан 32 та жамоа кейинги босқичга ўтади.
Араб кубогининг иккинчи мусобақаси 1—18 декабрь кунлари бўлиб ўтади.
Rating: +4   

Comments

championat.asia
< show latest news
Яндекс.Метрика