FIFA 23 ўйини Жаҳон чемпионатида Аргентина ғалаба қозонишини башорат қилди

FIFA 23 ўйини Қатарда ўтказиладиган Жаҳон чемпионати ғолибини башорат қилди. Симулятор Жаҳон чемпионатидаги ўйинларни терма жамоаларнинг кучига қараб башорат қилган.  Ўйин яратувчиларининг маълум қилишича, Бразилия, Аргентина, Франция ва Германия терма жамоалари ўз гуруҳларидан қийинчиликсиз плей-офф босқичига чиқишган. Мусобақанинг финал ўйинига эса Аргентина ва Бразилия терма жамоалари етиб келишган. Якунда эса аргентиналиклар ғолиб бўлишган. Бронза медали учун ўйинда Франция Португалияни енгган.  

Симуляторнинг башорат қилишича, Жаҳон чемпионатининг "Олтин тўп" соҳиби Лионель Месси бўлади. "Олтин қўлқоп" эса Эмилиано Мартинесга насиб қилади. 

Маълумот учун, FIFA ўйини охирги учта Жаҳон чемпионати ғолибини тўғри башорат қилиб келмоқда.