Февзи Давлетов: "Биринчи бўлимда ўйинга мослашиш қийин кечди"
07 aug 2024 00:36
News

Февзи Давлетов: "Биринчи бўлимда ўйинга мослашиш қийин кечди"

Ўзбекистон кубоги чорак финал босқичидан ўрин олган "Сурхон" - "Хоразм" (3:1) учрашувидан сўнг мезбонлар бош мураббийи Февзи Давлетов матбуот анжуманида иштирок этди.

Ўйин ҳақида

- Давралар оралиғидаги танаффусдан кейин биринчи бўлимда ўйинга мослашиш бўйича қийинчиликларга дуч келдик. Узатмаларда хатолар, вазиятларни якунлашдаги камчиликлар кўзга ташланди. Пенальтидан ҳам фойдалана олмадик. Иккинчи бўлимда барчаси жойига тушди, тўп назорати ва аниқликка эътибор қаратдик. Бу ўйин бизга Суперлига учрашувлари олдидан яхши тайёргарлик бўлди. Ярим финалга чиққан эканмиз, бу бизга ишонч ва мотивация беради. Олға интилишда давом этамиз.

- Амалга оширилган трансферлар ҳақида фикрингиз?

- Биз ўзимиз ҳоҳлаган футболчилар билан ишлашни мақсад қилганмиз. Бизнинг иш услубимизга тушадиган, берилган кўрсатмаларни фаол бажарадиган футболчиларни таркибга жамлашга ҳаракат қилдик.

- Бугунги ўйин учун 10 баллик баҳолаш тизимида неччи қўйган бўлардингиз?

- 7 ёки 8 балл. Чунки, танаффусдан қайтиб олишда камчиликлар бўлади. Бугунги ўйинда бизда ҳам хатолар кузатилди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2