Фарқ 6 очко, лекин "Локо" ҳали чемпион эмас
03 nov 2016 18:01
News
![](https://championat.asia/upload/storage/226787_original.jpg)
![](/upload/storage/226787_220.jpg)
Фарқ 6 очко, лекин "Локо" ҳали чемпион эмас
Чемпионлик учун курашаётган икки клуб бугун ўз ўйинларини ўтказишди. Навоийда "Локомотив" "Қизилқум"ни Марат Бикмаевнинг пенальтидан урган голи эвазига мағлуб этиб қайтди - 1:0. Андижонда меҳмон бўлган "Бунёдкор" эса нурсиз дуранг қайд этди. Шу тариқа, чемпионат тугашига 2 тур қолганида бу жамоалар ўртасида очко 6тага етди. Лекин "Локомотив" расман чемпион эмас. Сабаби Ўзбекистон чемпионати регламентига кўра очколар тенг келиб қолса аввало ўзаро ўйиндаги натижаларга эътибор қилинади.
Математик жиҳатдан "Бунёдкор"да чемпион бўлиш имконияти бор. Бунинг учун "қалдирғочлар" охирги икки баҳснинг иккаласида (бири айнан "Локомотив" билан) ғалаба қозонишлари, "Локомотив" эса олдиндаги иккала баҳсда ҳам мағлуб бўлиши керак.
"Локомотив" чемпион бўлиши учун эса навбатдаги 2та турда 1 очко олса ҳам етарли бўлади. "Темирйўлчилар" кейинги турда "Металлург"га ютқазишмаса муддатдан аввал чемпион бўлишади.
29-тур
"Локомотив" - "Металлург"
"Навбаҳор" - "Бунёдкор"
30-тур
"Бунёдкор" - "Локомотив"
Similar news
![AMP Logo](https://championat.asia/image/logo-amp.png)
Comments