Фаҳриддин Алимов: "Иккинчи даврадан Суперлигада ўйнаш ниятим бор"

- Фаҳриддин, бугунги учрашув ҳақида фикрларингиз...
- Бугунги ўйинда ўзларинг гувоҳ бўлдинглар, муросасиз баҳсларга бой учрашув бўлди. Рақиб жамоада ҳам, бизда ҳам қулай вазиятлар бўлди, лекин афсус ҳамма вазият ҳам гол билан якунланавермайди. Ўйинга мос ҳисоб бўлди, ҳар икки жамоа ҳам вазиятларни якунлашда тўғри ҳаракат қила олмади.        

- Сизнинг келажакдаги мақсадларингиз қандай?  
- Мен келгуси мавсумдами, ёки иккинчи давраданми, Суперлига жамоаларида ўйнаш ниятим бор. Албатта ҳаммасини жамоалардан келиб тушадиган таклифлар ҳал қилади. Ўзбекистон миллий терма жамоасида ўйнасам, ватанимиз футболи ривожига ўз ҳиссамни қўшсам дейман. Ўзбекистонлик футбол мухлисларига ҳозирча армон бўлиб қолаётган жаҳон чемпионати йўлланмасини туҳфа этиш-бу менинг энг асосий мақсадим.

Бекзод Толибов ёзиб олди.