Европа лигаси. Бугун "Краснодар" ва "Ворскла" ўйнайди

Ҳамюртимиз Одил Аҳмедов тўп тепаётган Россиянинг "Краснодар" клуби Словакияда "Слован" клуби меҳмони бўлади. Бир ҳафта олдин бўлиб ўтган илк учрашувда руслар 2:0 ҳисобида зафар қучишган эди. Бугунги ўйин Тошкент вақти билан соат 23:15да бошланади.

Яна бир ҳамюртимиз Санжар Турсунов фаолият олиб бораётган Украинанинг "Ворскла" клуби бугун ўз майдонида Словакиянинг "Жилина" клубини қабул қилади. Дастлабки баҳсда "Ворскла" сафарда 0:2 ҳисобида имкониятни бой бериб қўйган эди. Бугунги учрашув Тошкент вақти билан соат 22:00да старт олади.

Умуман олганда бугун Европа лигаси доирасида 26та ўйин бўлиб ўтади. Сайтимизнинг махсус бўлими орқали барча учрашувларнинг натижаларини (таркиблар, голлар ва бошқа маълумотлар ҳам бор) онлайн кузатиб бориш мумкин.