Евгений Чумак "Бунёдкор" билан ўйиндан кейин: "Нималар бўлганини ҳамма кўрди ёки мен футболни қоидаларини билмайман"

Бу сафар жамоа Тошкентда "Бунёдкор"га енгилди (1:2). Қизиқарли ва шиддатли кечган ўйиндан сўнг меҳмонларнинг украиналик ярим ҳимоячиси Евгений Чумак сайтимизга фикрларини билдирди.

"Менимча, ўйинни ҳамма кўрди. Айниқса иккинчи бўлимда қандай воқеалар юз бергани барчага маълум. Футбол ичидаги инсонлар бўлиб ўтган воқеаларни тушунишди, деб ўйлайман. Ёки мен футбол қоидаларини билмайман. Бошқа изоҳга ҳожат йўқ. 

Мағлубиятга сабаб хатоларимиз. Боз устига қизил карточка. Ҳозир қийин ҳолатдамиз. Ҳар бир ўйинда бир нечта кескин вазиятлар яратяпмиз. Жиззахда, Самарқандда ютса бўладиган ўйинлар эди. Ишлашда давом этамиз",- дейди Чумак.