Эшитдик-да! Тез орада Ўзбекистон Суперлигаси ўйинлари 10 та камерада тасвирга олинади

Маълумки, янги очилган Футбол ТВ канали Суперлига стартига қадар ҳам SD форматда эфир юзини кўраётганди. ЎФА янги президенти аралашувидан кейин мавсум старти олдидан эфирлар HD форматга ўтди. 

Бизгача етиб келган маълумотларга кўра, МТРК 10 та камерани ўз ичига олган КТС тайёрламоқда. Катта эҳтимол у Ўзбекистон — Қирғизистон ўйинига қадар тайёр бўлади. Кейинчалик эса бу КТС Суперлига ўйинларида ишлаши кутилмоқда. Шу йилнинг октябрь ойига қадар эса компания яна бир янги КТС харид қилишни режалаштирмоқда. 

ПФЛ харид қилган телекамералар эса УзРепорт бир неча йил аввал харид қилган КТС кўринишида йиғиб чиқилмоқда. Апрель ойида у ҳам фойдаланишга топширилиши мумкин.