Эртага "Локомотив" ва "Бухоро" жамоалари қайси либосларда ўйнаши маълум

Бугун мазкур учрашув олдидан ўйин комиссари, назоратчиси ҳамда ҳар иккала жамоа вакиллари иштирокида йиғилиш бўлиб ўтди. Бу ҳақда "темирйўлчилар" матбуот хизмати хабар берди. Унда ўйиннинг ташкилий масалалари муҳокама қилинди. Қолаверса, жамоалар қайси либосларда ўйнаши аниқлаб олинди. Унга кўра, "Локомотив" эртанги баҳсни оқ рангдаги либосда ўтказади. "Темирйўлчилар" дарвозабони қора рангдаги формада майдонга чиқади. Бухороликлар эса тўқ кўк рангдаги формада ўйнайди. Меҳмонлар посбони эгнида қирмизи рангли либос бўлади.

Таъкидлаш жоиз, "Локомотив" – "Бухоро2 ўйини эртага, 11 май куни пойтахтимиздаги "Локомотив" стадионида бўлиб ўтади. Учрашув соат 20:30да старт олади.