Эрон. "Персеполис" чемпионликни нишонлади, Иванкович ғалабани мухлисларга бағишлашини айтди

Сафарда "Падидеҳ" клубини 1:0 ҳисобида мағлуб этган "Персеполис" 60 очко жамғарган ҳолда чемпионликни нишонлади. Ўйиндаги ягона гол Воҳид Амири томонидан киритилди. Жамоа устози Бранко Иванкович ушбу ғалабани мухлисларга бағишлашини айтиб ўтди:

- "Биз чемпион бўлишимизни икки ой олдин билгандим. Қўлга киритилган ютуқ билан жамоадаги ҳаммани табриклайман. Чемпионликни эса ўз мухлисларимизга бағишлайман".

- "Чемпионликни Теҳрондаги "Озоди" стадионида нишонлашни хоҳлаймиз. Шу ўринда сардоримиз Жалол Ҳуссайнини алоҳида табриклайман, чунки у фаолияти давомида олтинчи бор Эрон чемпиони бўлди. Энди бор эътиборни Осиё чемпионлар лигасига қаратамиз".