Эмери "Сити"ни мағлуб этгандан сўнг: "Ўрнимизни яхши биламиз, аммо ортимизда "Сити", "Юнайтед" ва "Тоттенхэм" бор"
07 dec 2023 08:35
News

Эмери "Сити"ни мағлуб этгандан сўнг: "Ўрнимизни яхши биламиз, аммо ортимизда "Сити", "Юнайтед" ва "Тоттенхэм" бор"

"Астон Вилла" бош мураббийи Унаи Эмери "Манчестер Сити" устидан қозонилган ғалабадан сўнг (1:0) ўз фикрлари билан ўртоқлашди.

Жамоа "Сити" устидан қозонилган ғалабадан сўнг АПЛ турнир жадвалида 3-ўринни эгаллаб турибди.

"Бу ажойиб, биз кучли тўртликдамиз, биз ҳалиям бошқа жамоалар билан курашмоқдамиз. Агар ривожланиш ва ғалаба қозонишда давом этсак, албатта бунга ишонишимиз керак.

Хурсанд бўлишимиз мумкин, аммо меъёрни билиш керак. Шанба куни "Арсенал"га қарши бўладиган ўйинга эътибор қаратишимиз керак.

Турнир жадвалидаги ўрнимизни биламиз. Аммо ортимизда "Манчестер Сити", "Манчестер Юнайтед" ва "Тоттенхэм" бор. Демак, қийин бўлади. Лекин биз ҳар бир ўйинда эътиборимизни жамлай оламиз ва рақобат қилишга ҳаракат қиламиз. Ўтган сафар "Борнмут"га қарши ўйинда ютқазиб қўйишимизга оз қолди. Бизга барқарорлик керак.

Уйда албатта яхши. Бизни мухлислар қўллаб-қувватлашади. 12-ўйинчимиз", - деди Унаи Эмери.

Link :

Source : BBC

Receive latest football news directly on your phone. Subscribe for our Telegram channel!

Rating: +3