Элкесоннинг хитойча исмини биласизми?

"Гуангжу Эвергранд" футболчиси ЖЧ-2022 саралаш босқичида хитойликлар либосида тўп тепади. Дарвоқе у хитойча исм олишга ҳам улгурди: энди уни Элкесон эмас, Ай Кесен деб атасак ҳам бўлаверади. 

Хитой терма жамоасида тўп тепиши маълум бўлгач, бразилиялик ҳужумчи дарҳол хитой тилини ўрганишни бошлаб юборди ва ўзининг янги исми Ай Кесенни хитойчада ёзишга ҳаракат қилди. Хитой терма жамоаси 30 август куни Мьянмага қарши ўртоқлик учрашуви ўтказади. Шунингдек, 10 сентябрда Мальдивга қарши ЖЧ-2022 саралаш баҳсида майдонга тушади. Бу ўйинларга Ай Кесен ҳам чақирилган.

Суратга изоҳ: Элкесон ўзининг янги исми Ай Кесенни хитой тилида ёзишга ҳаракат қиляпти