Элдор Шомуродов олий лигада дебют учрашувини ўтказди
14 apr 2014 10:28
News

Элдор Шомуродов олий лигада дебют учрашувини ўтказди

12 апрель куни Навоийда бўлиб ўтган олий лиганинг 5-тури доирасидаги "Қизилқум" - "Машъал" учрашувида ҳисоб очилмади.

Ушбу баҳсда 75 дақиқада Муйдин Мамазулумов ўрнига ҳужумчи Элдор Шомуродов майдонга тушди. Бу Шомуродовнинг олий лигада қилган илк дебют учрашуви сифатида қайд этилди. 18 ёшли ҳужумчимиз Ўзбекистон ёшлар терма жамоаси аъзоси ҳисобланади.

Бу ҳақида футболчи учрашув якунланган сўнг ўз фикрини билдириб ўтди:

"Дебют учрашувимиз муваффақиятсиз якунланмаганидан хурсандман. Дуранг ҳар икки томон учун муносиб эди. Очиқ ўйин бўлди лекин дарвозани ишғол эта олмадик. Майдонга тушганимдан сўнг кучли ҳаяжонланганим рост. Бутун учрашув давомида 15 дақиқа ҳаракат қилган бўлсам ҳам жамоамизнинг энг қулай вазияти менда бўлди. Гол уришни жуда истаган эдим. Кейинги учрашувларда муваффақиятли ўйнаб, жамоам ғалабасига муносиб ҳисса қўшмоқчиман" - дейди бу ҳақида ҳужумчимиз Элдор Шомуродов.

Link :

Source : fcmashal.uz

Receive latest football news directly on your phone. Subscribe for our Telegram channel!

Rating: