Элдор Шомуродов: "Голларим орқали жамоамга фойда келтира олганимдан хурсандман"
09 feb 2016 21:50
News

Элдор Шомуродов: "Голларим орқали жамоамга фойда келтира олганимдан хурсандман"

"Ал Шабаб"га қарши ўйинда энг яхши футболчи деб топилган Элдор Шомуродовнинг фикрлари билан қизиқдик.

"Ўйин яхши бўлди. Футболда барча нарса бўлиши мумкин. Ўз голларим орқали жамоамга фойда келтирганимдан жуда хурсандман. Ўйинга катта тайёргарлик кўргандик ва шунга яраша кейинги босқичга йўлланма олдик. Ғалабамизга албатта жамоавий ўйин сабаб бўлди. Тезкор гол ҳам қандайдир маънода бизнинг фойдамизга ишлади. Ҳаво ўйинимизга таъсир кўрсатмади.

Нега 10-рақамни танладим? Чунки 10-рақам бўш қолганди (кулади). Ушбу рақамнинг ҳам ўзига яраша масъулияти бор ва бунга мос ўйин намойиш этишга ҳаракат қиламан", - дейди учрашувнинг энг яхши футболчиси Элдор Шомуродов.