“Екатеринбург Аренa” стадиони ҳақида нималарни билишимиз керак?

• “Екатеринбург Арена” стадионида мундиаль гуруҳ босқичининг 4та ўйини бўлиб ўтади
• Мусобақанинг энг шарқий стадионида катта кўламдаги реконструкция ишлари амалга оширилди.


Ўйинлар
“Екатеринбург Арена” стадионида FIFA Жаҳон Чемпионати гуруҳ босқичининг 4та ўйини бўлиб ўтади. Бу ерда УЕФА, КАФ, КОНМЕБОЛ, АФК ва КОНКАКАФ конфедерациялариниг жамоалари иштирок этади.

Имкониятлари
Чемпионат вақтида “Екатеринбург Арена” стадионига 35 000 томошабин ташриф буюриши мумкин бўлади. Мусобақадан сўнг, вақтинчалик трибуналардан воз кечилади ва табиийки, мухлислар сиғими ҳам бироз камаяди.

Жойлашган ўрни
Ушбу улкан спорт иншооти Урал пойтахти ҳисобланмиш, Екатеринбург шаҳрининг марказий кисмида жойлашган. Аренанинг асосий кириш йўли серқатнов кўчалардан бири Репинда жойлашгани ҳам катта аҳамиятга эга. Екатеринбургда қад рослаган стадионнинг қайта қуриш лойиҳаси эса катта спорт комлекси бунёд этилишига замин яратди.    

Биласизми?
Фақат қайта таъмирга муҳтож бўлган стадионлар ичида “Екатеринбург Арена” иншооти “Лужники”дан кейинги иккинчи ўринни эгаллаган. Бу стадион 1956 йилда қурилган. Аввал унинг ўрнида велосипед пойгаси ўтказиладиган майдон бўлган. “Екатеринбург Арена” стадионидаги таъмирлаш ишларидан сўнг, 1950-йилга оид турли қуббали нақшлар, декарацияли вазалар, тарихий расмлар ва футболчилар ҳайкали қайта тикланди. Бу эса сиз худди келажакдан ўтмишга тушиб қолгандек бўлишингизга ёрдам бера олади. Томошабинлар ўриндиғи тепасидаги том замонавий ва юқори технологияга эга металлдан ишланган бўлиб, ердан 45,5 метр баландликда жойлашган.

Дастлабки ўйинлар
Жаҳон Чемпионати-2018 ўйинлари ўтказиладиган баъзи бир бошқа стадионлар каби “Екатеринбург Арена”да ҳам турнирга тайёргарликнинг якуний босқич ишлари олиб борилмоқда. Бу ерда маҳаллий “Урал” клуби Россия Премьер-лигасининг бир нечта ўйинлар ўтказиши режалаштирилган.

Мерос
ЖЧ-2018дан сўнг, ушбу стадион “Урал” футбол жамоасининг асосий аренаси бўлиб хизмат қилади. Сўнгги йилларда 87 йиллик тарихга эга бу клуб Россия Премьер-Лигасида муқим ўрнашиб олганди, ўтган мавсумда эса ҳатто Россия Кубоги финалигача чиқа олди. Стадиондаги томошабинлар ўриндиғи “Урал” клубининг логотипи каби оловрангга бўялган.

ФИФА расмий сайтидан Нозима Зарипова таржима қилди

"Лужники" стадиони ҳақида нималарни билишимиз керак?

“Ростов Арена” стадиони ҳақида нималарни билишимиз керак?