Эҳсони Панчшанбе “Навбаҳор”га ўтганидан сўнг нималар деди?

Ушбу трансфердан сўнг футболчи ўз инстаграм саҳифасида қўйидаги фикрлари билан пост қолдирди.

“Истиқлол” менинг юрагимда доимо қолади. “Истиқлол” дан ҳозирги кунга қадар кетиш менинг фаолиятимда энг катта ва энг оғир қарор бўлди. Мен ҳеч қачон “Истиқлол”дан кетмаган бўлар эдим, лекин чет мамлакатда тўп тепиш ва ўзимга бўлган ишончни янада ошириш менинг орзуим. Орзу сари интилишнинг ҳозир айни вақтидир.

“Истиқлол”га келганимда 17 ёш эдим. Жамоа билан бирга футболчи сифатида улғайдим ва майдонда боримни бердим. Сизларнинг қўллаб-қувватлашингиздан рухланиб имконсиз ишларни ҳам амалга оширишга ҳаракат қилдим. Фаолиятим давомида ёнимда бўлган барчага раҳмат айтаман. Жамоа мураббийларига,жамоадошларимга ва албатта мухлисларга ҳар бир дақиқа учун ташаккур айтаман. Айниқса, менинг орзуимни амалга оширишга ёрдам берган клуб президенти Шохрух Саидзодага алоҳида миннатдорлигимни изҳор қиламан", - деб ёзган Панчшанбе.

Маълумот учун, Эҳсони Панчшанбе 1999 йилда Тожикистонда туғилган. У ўз фаолияти давомида 2016 иккинчи ярмидан бир неча бор Тожикистон чемпиони бўлган. Шунингдек, мамлакат Суперкубоги ва Кубоги соҳиби ҳамда 2017 йилда ОФК Кубоги ярим финаличиси ҳисобланади. 2018 йилда Тожикистоннинг энг яхши ёш футболчиси. Тожикистон миллий терма жамоаси аъзоси. Футболчи “Навбаҳор” билан 2022йилнинг охирига қадар шартнома имзолаган.