Эдгар Гесс: "Шогирдларим характер кўрсатишди"
16 may 2015 21:33
News

Эдгар Гесс: "Шогирдларим характер кўрсатишди"

Олий лиганинг 9-туридан тўрин олган "Андижон" - "Навбаҳор" (3:2) баҳси якунига етгач, майдон эгалари устози Эдгар Гесс ўз фикрларини билдириб ўтди.

- Бугунги ғалаба билан барча-барчани ва бизни қўллаб-қувватлаб турган мухлисларимизни табриклайман. Улар бугун қойилмақом тарзда бизга далда бўлдилар. Бугунги чиройли ўйин учун иккала жамоа вакилларига ўз миннатдорчилигимни билдираман. Улар майдонда ҳақиқий курашни, очиқ ва қизиқарли футболни намойиш этиб бердилар. Ўйин темпи юқори бўлганидан учрашувда четлатишларга ҳам гувоҳ бўлдик.

- Иккинчи бўлимда майдонга тушган Лочин Солиев ва Сайриддин Ғаффоров жамоа ўйинини кучайтиришга эришдилар. Улар тушгач ҳужумларимиз хавфли кўриниш олди. Сайриддин анча ёш ўйинчи. У ҳаракат қилишда давом этиши керак. Иккинчи голни урганимиздан кейин гол ўтказиб юбордик. Бу тўпни ҳатто дарвозабонимиз ҳам кутмаганди. Лекин баҳс охиригача шогирдларим характер кўрсатишга муваффақ бўлишди.

Комилжон Икромов ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: