Эдгар Гесс: "Бир қатор футболчиларга жавоб бердик"
10 jul 2014 11:14
News

Эдгар Гесс: "Бир қатор футболчиларга жавоб бердик"

"Бухоро" клуби бош мураббийи Эдгар Гесс ахборот ҳамкоримиз "Футбол Экспресс" газетасига интервью берди.

Унда мураббий жамоани тарк этган ва янги келиши кутилаётган футболчилар ҳақида ўз фикрларини билдирди.

- Бир қатор ўйинчиларга билан алоқани узиб уларга жавоб бердик. Азиз Ғуломхўжаев, Георги Квесиешвили, Феруз Бобоқулов, Элёр Акбаров, Илья Ильин ва Андрей Акопянц сингари футболчилар билан хайрлашдик. Бу футболчиларга биринчи даврада имконият бердик, лекин улар кутилган даражада тўп тепа олишмади. Шу боис уларнинг ўрнига бошқа ўйинчиларни олишга қарор қилдик.

- Янгилар ҳақида айтсам, Молдавиядан легионер Дмитрий Поповични таклиф қилдик. У ҳимоя чизиғида ҳаракат қилади ва айни пайтда кўрикдан ўтмоқда. Ундан ташқари "Хотир-79"дан Санжар Асқаралиев, "Машъал"дан Отабек Нарзуллаев, "Нефтчи"дан Отабек Исроилов ҳамда Руслан Боқиев каби янги ўйинчиларни таклиф қилдик. Улар Чимёндаги йиғинимизда иштирок этишди.

Б.Турсунов ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: