Дражен Дукич: "Рақибга жиддий муносабатда бўлишни талаб қилдик"

Дражен Дукич ("Пахтакор" мураббийи): - Йирик ҳисобда ғалаба қозонганимиз яхши бўлди. Бироқ ўйин бошида кўпол хатога йўл қўйдик. Шунингдек, ҳимояда зарурати бўлмаган баъзи хатолар учради. Ҳисобни тенглаштирганимиздан кейин тўлиқ ташаббусга эришдик ва йирик ҳисобда зафар қучдик. Олий ва биринчи лига ўртасидаги фарқ яққол кўзга ташланиб қолди. Йигитлардан ўйин ва рақибга жиддий муносабатда бўлишлари лозимлигини талаб қилдик. Чунки жамоавий ўйинни шакллантириб боришда бу жуда муҳим. Бугун сунъий қопламали майдонда ўйнадик. Навбатдаги баҳсда эса майдони жуда яхши бўлмаган Зоминдаги стадионда "Сўғдиёна"га қарши ўйнаймиз. Энди ўша баҳсга тайёргарликни бошлаймиз.