Достон Ҳамдамов: "Австрияга қарши ўйинда сариқ олсам дисквалификация бўлишимни билмасдим"

Унда Ўзбекистон ёшлар терма жамоаси аъзолари Янги Зеландиядаги мундиал ҳақида ўз фикрларини билдиришди.

Улар орасида Достон Ҳамдамовнинг фикри эътиборимизни тортди.

- Сенегалга қарши ўйинни трибунадан кузатиш жуда оғир бўлди. Шерикларимга кўрсатмалар беришга, хатоларини айтишга уриндим, майдонга тушиб кетгим келаверди. Тўғриси Австрия билан ўйинда сариқ олсам кейинги ўйинни ўтказиб юборишимни билмасдим. Огоҳлантиришлар 3та бўлса дисквалификация бўлади деб ўйлардим. Ўша пайтда ҳаёлимдан ўтди, лекин бор эътиборимни Австрия билан баҳсга қаратдим, - дейди Достон Ҳамдамов.

Эслатиб ўтамиз, Австрияга қарши баҳсда дублга эришган Ҳамдамов дисквалификация туфайли Сенегалга қарши ўйнай олмаганди.