Диёржон Туропов терма жамоамизга омад тилади

- "Пахтакор"га қарши баҳс учун тайёргарлик аъло даражада кетмоқда. Мураббийларнинг кўрсатмалари асосида машғулотларни кучайтиряпмиз. Жамоанинг бир неча футболчилари миллий терманинг йиғинига бориб қўшилган. Албатта, етакчи футболчиларнинг ўрни ҳар қандай жамоада билинади.

3 ой давомида жароҳатим сабабли "Локомотив"нинг ўйинларида қатнаша олмадим. Жамоада рақобат жуда ҳам кучли. Барча футболчининг ўрнини ёпа оладиганлар бор. "Бухоро"га қарши баҳсда жисмоний ҳолатим томондан бироз қийналдим. Аммо аста-секинлик билан олдинги жанговор ҳолатимни тикламоқдаман. Худо хоҳласа кейинги ўйинларда жамоага иложи борича кўпроқ ёрдам беришга ҳаракат қиламан.

Шу фурсатдан фойдаланиб, Ўзбекистон миллий термасига омад тилайман