“Динамо” (Загреб) устози коррупцияда айбланиб қамалди. Жамоани олдинда “Тоттенхэм”га қарши баҳс кутмоқда

Унга нисбатан 4 йил 8 ойга мўлжалланган озодликдан маҳрум этиш жазоси қўлланилди.

Аввалроқ клуб спорт директори лавозимида ишлаган Мамичнинг акаси Здравко эса 6,5 йилга озодликдан маҳрум қилинди.

Зоран Мамич ва унинг укаси коррупция ҳамда уюшган жиноий гуруҳни ташкил қилиш айбловлари билан тергов қилинаётганди. Хорватия расмийлари уларни 2008 йил клуб бюжетидан 17,3 млн долларни ўзлаштирганликда ва 1,8 млн доллар миқдорида солиқни тўламаганликда гумон қилишганди.

Тахминларга кўра, айбланувчилар “Динамо” футболчиларининг хориж жамоаларига ўтишидан тушган комиссион суммани яширишган. Ноябрда Мамич ҳибсга олинган, аммо кейинчалик гаров эвазига қўйиб юборилганди.

Эслатиб ўтамиз, загребликларни 18 март куни Европа Лигаси 1/8 финали доирасидаги “Тоттенхэм”га қарши жавоб баҳси кутмоқда. Илк учрашувда эса "шпорлар" 2:0 ҳисобида зафар қучганди.