"Динамо" Ҳаким Фузайловдан олдин қайси мураббийга таклиф билан чиққани маълум

Бизга маълум бўлишича "Динамо" жамоаси ўтган мавсум охирида бош мураббийлик постига бир қатор номзодларни кўриб чиққан. Улар орасида сербиялик мураббий Никола Лазаревич ҳам бўлган. Буни мураббийнинг ўзи сайтимиз мухбирига маълум қилди.

"Ҳа, Самарқанднинг "Динамо" жамоасидан таклиф бўлганди. Клуб Про лигада иштирок этади. Лекин мени фақат Суперлига жамоалари қизиқтиради. Шунингдек "Навбаҳор" билан ҳам музокаралар олиб бордик. Аммо улар маҳаллий мутахассис билан ҳамкорликни давом эттиришга қарор қилишди",- дейди Лазаревич. 

Маълумот ўрнида таъкидлаш жоизки, сербиялик мураббий бугунги кунда Саудия Арабистонинг "Аль Таавун" жамоаси бош мураббийи лавозимида иш бошлаган. Мураббийнинг сўнгги иш жойи Ливиянинг "Аль Наср" ва Тожикистоннинг "Хўжанд" жамоалари бўлганди.