Дилшод Жабборов: “Ғалаба қозонишимиз шарт”
14 oct 2016 13:51
News

Дилшод Жабборов: “Ғалаба қозонишимиз шарт”

Бугун 25-тур учрашувлари старт олади. Мухлисларни қизиқишига сабаб бўлаётган ўйнлардан бири Наманганда бўлиб ўтади.

“Навбаҳор” айни пайтда мусобақа жадвалининг қўйи қисмидан жой олиб турган бўлса “Бухоро” жамоаси кучли тўртликдан ўрин олиш учун курашмоқда. Мазкур баҳсда ҳар икки жамоа учун очко олиш муҳим саналади. Айниқса наманганликлар учун ижобий натижа жуда ҳам муҳим.

Учрашув олдидан “Навбаҳор” сардори Дилшод Жабборовнинг фикрлари билан қизиқдик: - Бугун мавсумдаги муҳим учрашувлардан бирида майдонга тушамиз. Айни пайтда мусобақа жадвалида эгаллаб турган ўрнимиздан келиб чиқиб, ғалаба қозонишимиз шарт. Ютуққа эришиш орқали лигада қолиш имкониятимизни бироз яхшилаб олиш имконига эга бўламиз.

Ўтган вақт давомида “Бухоро” билан ўтадиган ўйинга муносиб тарзда тайёргарлик кўришга интилдик. Мақсадимиз, ғалаба қозониб кайфиятимизни кўтариш. Бу орқали ўз навбатида мухлисларимизни ҳам қувонтиришни мақсад қилганмиз.

"Навбаҳор" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: