Latest news

07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  37 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376

Дилмурод Каримовнинг дубли “Металлург”га ғалаба келтирди News

Дилмурод Каримовнинг дубли “Металлург”га ғалаба келтирди

Бекободнинг “Металлург” жамоаси бугун пойтахтимиздаги “Бунёдкор” академиясининг сунъий қопламали майдонида олий лига вакили – Тошкентнинг “Обод” жамоаси билан куч синашди ва 2:0 ҳисобида ғалаба қозонди.

Ҳар иккала тўпни пойтахтликлар дарвозасига “Металлург” ярим ҳимоячиси Дилмурод Каримов киритди.

Учрашувни тошкентликлар фаол бошлашди. Биринчи тайм мобайнида бекободликлар асосан стандарт вазиятларга эга бўлиши билан ёдда қолди. Ҳудудий устунликни қўлга олган “Обод” жамоаси ўйинчилари эса биринчи таймнинг ўзида бекободликлар дарвозаси ёнида ўнга яқин хавфли вазиятларни содир этишди. “Металлург” посбони биринчи таймда учта, иккинчи таймда эса иккита вавзиятда  бекободликларни муқаррар голлардан қутқариб қолди. Тайм якунига етиб бораётган бир вазиятда эса пойтахт вилояти вакиллари тезкор қарши ҳужумни уюштиришди. Жамоанинг ўтган йилги тўпурари Зоҳид Абдуллаевни жамоадошлари рақиб посбони билан яккама якка вазиятга чиқаришди. Зоҳид дарвозабонни ҳам алдаб ўтганди, аммо посбон ҳужумчини қўполлик билан тўхтатиб қолди. Учрашув бош ҳаками Виктор Серазетдинов эса иккиланмасдан 11 метрлик нуқтани кўрсатди. Жароҳат олган Абдуллаев ўрнига тушган Дилмурод Каримов эса пенальтини совуққонлик билан ижро этди ва “Металлург”ни ҳисобда олдинга олиб чиқди.


Иккинчи таймда бекободликлар устози бир қатор тажрибали ўйинчиларни майдонга туширгач, ўйин тенглашди. Энди “Металлург” футболчилари кўпроқ вазиятлар содир эта бошлашди. Худди шундай ҳужумлардан бирида “Обод” ҳимоячилари ўнг қанотда “фол” билан ўйинни тўхтатиб қолишди. Бу эса пойтахтликларга қимматга тушди. Дарвозагача чамаси 25 мертлар олисликдан Дилмурод Каримов ажойиб зарбаси билан тўпни дарвозанинг олис юқори бурчагига жойлаб қўйди – 2:0. Бу ҳисоб эса учрашув охиригача ўзгармасдан қолди.

Туркия сафари олдидан “Металлург” 3 февраль куни “Бунёдкор” жамоасининг ёшлар таркибига қарши яна битта назорат учрашувини ўтказишни режалаштирган. Кеча эса “Металлург” ёшлар жамоаси Олмалиқда пойтахт вилояти дербисида мезбонларнинг ёшлар таркибига қарши тўп сурди ва бу ўйинда дуранг натижа қайд этилди – 2:2.

“Металлург”  – “Обод”  – 2:0 (1:0). “Бунёдкор” академияси майдони.
Ҳакам:
Виктор Серазетдинов.
“Металлург”: Суҳробжон Султонов, Давронбек Каримқулов, Ҳикмат Ҳошимов, Достонбек Турсунов, Вусол Магеррамов, Алишер Зиёвуддинов, Фарҳод Намозов, Жаҳонгир Абдумўминов, Санжар Қодирқулов, Аюбхон Нўъмонов, Зоҳид Абдуллаев.
Захира: Зафар Сафоев, Дониёр Одилов, Дилмурод Каримов, Мирғиёс Сулаймонов, Камронбек Копадзе, Жасур Аҳмедов, Евгений Танаев, Муҳаммадодил Қаҳрамонов, Нодир Йўлдошев.


"Металлург" матбуот хизмати

Rating: +1   

Comments

championat.asia
< show latest news
Яндекс.Метрика