Latest news

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

Денис Коростиченко: "Футболчилар фақатгина ўзини намойиш этиш учун эмас, балки жамоа учун ва "Олимпик" номи учун курашишмоқда" News

Денис Коростиченко: "Футболчилар фақатгина ўзини намойиш этиш учун эмас, балки жамоа учун ва "Олимпик" номи учун курашишмоқда"

Суперлига 16-туридан ўрин олган "Олимпик" - "Сўғдиёна" (0:1) учрашувидан сўнг мезбонлар бош мураббийи Денис Коростиченко матбуот анжуманида иштирок этди.

- Ўйин ҳақида

- "Сўғдиёна"ни ғалаба билан табриклайман. Афсуски, бугун рақибга кўп голли вазиятлар яратиб бердик. Рақибимиз хавфли вазиятларнинг биридан фойдаланди ва ғалабани илиб кетди. Ўзимиз ҳам вазиятларга эга бўлдик, аммо улардан фойдалана олмадик. Ўйинни таҳлил қилиб чиқамиз ва кейинги учрашувларда яхшироқ ўйин намойиш этамиз деган умиддаман.

- Жамоангиз бугун ҳам майдонда яхши ҳаракат қилди ва мазмунли ўйин намойиш этди. "Олимпик" жамоасига бугун дурангга эришиш учун нима етмади деб ўйлайсиз? Чунки жамоангиз бугун кўп вазиятларга эга бўлди.

- Жамоа ҳақида билдирилаётган илиқ фикрларни эшитишдан хурсандман. Ушбу йигитларга янада яхшироқ ўйнаши учун бироз вақт керак. Мураббийлар штаби билан ушбу муаммоларни бартараф этиш устида ишламоқдамиз. Дуранг учун табиийки гол етишмади. Реализация масаласини ҳам яхшилашимиз керак. 2-3та яққол вазиятларни кўкка совурдик. Ҳимояда ҳам бироз барқарорлик етишмаётгандек. Кейинги учрашувларда янада яхшироқ ўйин намойиш этишга интиламиз.



- Бугун "Олимпик" ўйинни қайси жабҳасида рақибдан устунлик қилди деб ўйлайсиз? Ёки жамоангиз ўйинидаги қайси жиҳат сизни яхши маънода хурсанд қилди?

- Ўйинимиздаги тезкорлик ва мобиллик менга ёқди. Йигитларнинг иштиёқи ҳам мени хурсанд қилди. Йигитларга бугунги кураш учун раҳмат айтаман. Шундай темпда давом этишимиз керак. Футболчилар фақатгина ўзини намойиш этиш учун эмас, балки жамоа учун ва "Олимпик" номи учун курашишмоқда. Бугун жамоамни мақташдан кўра кўпроқ танқид қилган бўлардим.

- Футболчилар бугун оддий вазиятларда кўп хатоларга йўл қўйди. Масалан, ҳимоядаги пасларда кўп хатолар кузатилди. Ушбу муаммони ҳал этиш бўйича қандайдир режангиз борми?

- Ҳа. Бу хатолар тактик жиҳатдан келиб чиқди дейишимиз мумкин. Қайсидир ҳимоячи кечроқ пас берган бўлиши мумкин ёки қайсидир футболчи кечроқ очилгандир. Ўйинни тўлиқ таҳлил қилиб чиқишим керак. Ҳимояда техник бракга йўл қўйдик. Футболчиларимнинг техникаси паст демайман, бироқ бугун улар кўп хатоларга йўл қўйишди. Бу руҳият билан боғлиқ ҳам бўлиши мумкин.

Rating:    

Comments

championat.asia
< show latest news
Яндекс.Метрика