Давронбек Каримов: "Мухлислар кейинги мавсумда бошқача “Норин”ни кўришади"

Мавсум бошида бизда жамоамизни Суперлигага олиб чиқиш вазифаси қўйилган эди. Дастлабки даврада жамоамизга Вали Келдиев мураббийлик қилган бўлса, давралар оралиғида жамоамизга янги бош мураббий – Рустам Дўрмоновни тайинладик.

Мавсум биз учун оғир кечди. Биласизлар, Про-Лига “А” гуруҳида ўз олдига юқори мақсадларни қўйган жамоалар иштирок этади. “Норин” жамоаси ташкил этилганига кўп бўлгани йўқ, жамоамиз шаклланишда давом этмоқда. Насиб этса келаси мавсумда ёрқинроқ ўйин кўрсатиб, мухлисларимизни хурсанд қиламиз деган умиддаман.

Про-Лига “А” гуруҳида иштирок этаётган “Сурхон”, “Динамо”, “Машъал”, “Андижон” каби ўз олдига юқори мақсадларни қўйиб келаётган клубларга омад тилайман. Умуман олганда бизга бу каби жамоалар билан учрашувлар ўтказиш янада кўпроқ тажриба тўплашимизга олиб келди, “А” гуруҳидаги иштирокимиз учун Ўзбекистон ПФЛга миннатдорчилик билдирамиз. Кейинги мавсумдан албатта ўйинимиз кучаяди, мухлислар бошқача “Норин”ни кўришади.

Жамаоамиз футболчилари мавсум давомида жароҳатлар олишди. “Сурхон” жамоаси билан бўлган учрашувда жамоамизда асосан ёш футболчилар ҳаракат қилишди. “Хоразм” жамоаси биз учун ноқулай ҳисобланади, шу жамоа билан ўйинда хоҳ сафарда, хоҳ уйда бўлсин, ғалаба қозонишимиз қийин бўлаяпти. Жамоамиз олдида мақсад ўзгармайди, қайси жамоага қарши майдонга тушмайлик, бизда мақсад фақат ғалаба бўлади.        

Бекзод Толибов ёзиб олди.