Дарио Шимич: “Хорватияга осон бўлмайди”
13 jul 2018 09:50
News

Дарио Шимич: “Хорватияга осон бўлмайди”

Хорватиялик машҳур футболчи Дарио Шимич ЖЧ-2018 финал учрашуви ҳақида ўз фикрларини билдириб ўтди.

“Франция термаси – жуда кучли футболчиларга эга салобатли жамоа. Менимча, айнан улар ушбу ЖЧда энг чиройли ўйинни намойиш этишмоқда. Хорватия ҳам жанговар жамоа эканлигини кўрсатди. Биз бир неча бор учрашувда ютқазиб туриб, якунда иродали ғалабага эриша олдик. Албатта, учта ўйиндан буён майдонда 120 дақиқадан кўпроқ ҳаракат қилаётган футболчиларга финал баҳси осон кечмайди. Аммо биздаж тажрибали жамоа бор ва улар финалда ҳам ўз кучларини кўрсата олишади.

Ҳозирги жамоани 1998 йили Францияда ўтган ЖЧда қатнашган жамоа билан солиштириб бўлмайди. Бугунги таркиб жудаям кучли, унда ажойиб футболчилар бор. 20 йил олдин ҳам биз Хорватиянинг қандай жамоа эканлигини намойиш эта олгандик ва бу билан доим фахрланамиз”, дея Шимичнинг сўзларидан иқтибос келтирмоқда “Известия” газетаси.

Link :

Source : "Известия"

Receive latest football news directly on your phone. Subscribe for our Telegram channel!

Rating: +7