Дамир Низанов: "Футболимиз ривожида Неъматилло Қуттибоевнинг хизматларини алоҳида эътироф этаман"

- Дамир, ўтган йили "Хоразм" сафида ажойиб мавсум ўтказдингиз. Жорий мавсум олдидан сизда қандай таклифлар бор эди?
- Менга биринчи бўлиб "Арал Самали" жамоаси таклиф билан чикди. Клубдаги шароитлар менга маъқул келди ва қолишга қарор қилдим. "Арал Самали" га ёрдам бераётганимдан хурсандман.

- Бу йил "Арал Самали" жамоаси ўз олдига кандай мақсадларни қўймоқда?
- Бизда ҳозир маҳаллий футболчилардан ташкил топган яхши жамоа шаклланган. Мақсад хар бир ўйинда ғалаба қозониб мухлисларни хурсанд қилиш. Аммо раҳбарият ҳали биз билан учрашгани йўқ..

- ПРО-Лиганинг 2-турида собиқ жамоангизга қарши майдонга тушасиз...
- Аввало "Хоразм" жамоасига омад тилайман. Иккала жамоа ўртасидаги ўйинлар ҳамиша шиддатли ва қизикарли кечади. Бежизга бу каби учрашувларга дерби мақоми берилмайди.

- Қорақолпоғистон футболи ривожланишида ва танилишида ҳиссасини қўшган инсонлардан кимларни айта оласиз?
- Хозир бизда футбол ривожланишида кўпчилик меҳнат қилишмокда. Неъматилло Қуттибоевнинг меҳнатлари алоҳида эътиборга молик. У киши ёш футболчилардан ўз меҳнатларини аямасдан Суперлига жамоаларида ўйнаб кетишига йўл кўрсатиб берган.

- Футболга кириб келишингизга ким сабабчи бўлган? Биринчи мураббийим деб кимни айтган бўлардингиз?
- Футболга келишимга акам сабабчи бўлган. Биринчи мураббийим эса Равшан ака бўладилар.

- Бу йил ПРО-Лига жамоалари орасида кайси жамоанинг Суперлигага чикиш учун имкониятлари юкори баҳолайсиз?
- Хозирча барча жамоанинг имконияти бир хил, лекин Фарғонанинг "Нефтчи" жамоасида Суперлигага чиқиш учун имконият юқори деб биламан.

- Кучли бешлик чемпионатлари орасида кайси жамоага мухлислик киласиз? Шунингдек, қайси хорижлик футболчининг ҳаракатлари сизга ёқади?
- Испанияда "Барселона"га мухлислик киламан. Англияда эса Кевин де Брюнени ҳатти-ҳаракатларини ўзимда ўзлаштириб майдонда такрорлашга ҳаракат киламан.

- Суҳбатимиз якунида футбол мухлисларига тилакларингиз...
- Ниятим аввало юртимиз тинч бўлсин, Қорақолпоғистонга ҳам катта футбол қайтсин, юртимиз стадионлари ҳамиша футбол мухлислари билан тўлиб тошсин.

Тимур Ибрагимов ёзиб олди