Даҳшат! "Бенфика" қизлари бу мавсум 293та гол уришди

Бу мавсум улар Португалиянинг иккинчи дивизионида иштирок этишмоқда. Жамоанинг мақсади олий лигага йўл олиш. Клуб раҳбарияти бу мақсадни тезроқ амалга ошириш учун жамоага иқтидорли футболчи қизларни таклиф қилди.

"Бенфика" аёллар жамоаси дебют ўйинида 28:0 ҳисобида ғалабага эришишди, кейинги ўйин эса 19:0 ҳисобида якунланди. Қолган ўйинларда ҳам йирик муваффақиятлар қайд этилди.

26 январгача ушбу жамоанинг тўплар нисбати 261:0 эди.

Кеча улар "Каса до Пово де Пего"ни 32:0 ҳисобида таслим этишди ва тўплар нисбатини 293:0 кўринишига келтиришди.

"Бенфика" иккинчи дивизионда етакчилик қилмоқда, уларга энг яқин клуб "Спортинг" 12 очко орқада.