ЦСКА собиқ ёрдамчи мураббийи: "Аббосни РПЛнинг кўплаб жамоаларига таклиф қилишган, бироқ якунда деярли барча жамоа рад жавобини берган"

Эшитишимча, дастлаб Федотов Файзуллаевни сотиб олишга шубҳа билан қараган. Бу ростми?

— Нафақат Федотов. Аббосни РПЛнинг кўплаб жамоаларига таклиф қилишган, бироқ якунда деярли барча жамоа рад жавобини берган.

Нима сабабдан шубҳалар бўлган?

— РПЛда асосан жисмонан кучга асосланган футбол ўйналади. Аббоснинг гавдаси кичиклиги кўплаб саволларни туғдирарди. Бироқ Файзуллаев барчани яхши маънода ҳайратга қолдира олди. У ҳам инсон, ҳам футболчи сифатида барчани кўнглидан жой ола билди. Биз уни келажак учун ҳарид қилгандик. Бироқ у тезда жамоага киришиб кетди ва асосий таркиб футболчиси эканлигини исботлади.