Coca Cola Суперлигаси. Қайси жамоа майдон бурчагидаги байроқчани кўпроқ безовта қилган?

Геометрияга ишқибозлар ёқтирадиган нуқтадан энг кўп стандартни биратўла икки клуб амалга оширган — ОКМК ва "Бухоро". Иккала жамоада ҳам 75 тадан уриниш мавжуд. "Насаф"да эса бу кўрсаткич 73 тани ташкил этади.

Бу борада энг қолоқ натижани "Қизилқум" қайд этган. Навоийликлар ҳисобида инглиз тилида талқин қилганда, 31 та корнер мавжуд. "Бунёдкор" эса 35 та уринишни амалга оширган.

Бир ўйинда энг кўп бурчак зарбасини эса "Навбаҳор" амалга оширган — 11 та. Қизиқ томони, ушбу кўрсаткич "Бухоро"га қарши баҳсда қайд этилган.

Оқил Абдубарноев тайёрлади.