"Чуқурроқ кавласанг, бизнинг футболда кўпчиликни қамаш мумкин"

Ўтган ҳафтада Москва клуби РФИ (Россия футбол Иттифоқи) Тартиб-интизом қўмитаси қарори билан келишилган ўйинларни ташкил қилишга уриниш сабабли РПЛда иштирок этиш ҳуқуқидан маҳрум қилинди. "Торпедо"нинг собиқ директори Валерий Скородумовга 10 йилга футбол билан боғлиқ ҳар қандай фаолият билан шуғулланиш тақиқланди, клуб эгаларидан бири Леонид Соболевга эса 5 йилга.

"Тўғриси, тушунмадим, клубни нега бундай жазолашди. Футболчилар бутун мавсум бир даража кўтарилиш учун ўйнашди. Биринчи лигадан РПЛга чиқиш осон эмас.

Агар чуқурроқ кавласанг, бизнинг футболда кўпчиликни қамаш мумкин. Ҳакамлар, агентлар, воситачилар, клуб директорлари... Ишонинг, бизнинг органлар буни эплай олади. Лекин бундан нима фойда? "Торпедо"ни бу нуқтаи назардан нотўғри жазолашди.

Клуб раҳбарларини ноқонуний хатти-ҳаракатлар учун четлаштириш керак – бу рост. Ўз жамоаси иштирокидаги ўйинларга ставка қўйган футболчилар – бундайларга умрбод тақиқ қўйган бўлардим. Лекин клубни бошқа дивизионга ўтказиш билан жазолаб бўлмайди.

Сизнингча, "Торпедо" бошлиқлари нима қилаётганини ҳеч ким билмасмиди? Айниқса, ҳакам, аниқланишича, ростгўйлик билан иш тутди – жамоага ёрдам бериш таклифини қабул қилмади. Унда клубни нега жазолашди? Бу ишда айбдор одамларни четлаштиринг", – деди "Зенит"нинг собиқ ҳужумчиси.