Ҳожимат Эркинов собиқ клуби ҳакамларни сотиб олишда айбланиб чемпионатдан четлаштирилди
10 jul 15:41
News

Ҳожимат Эркинов собиқ клуби ҳакамларни сотиб олишда айбланиб чемпионатдан четлаштирилди

"Матч ТВ" хабарига кўра, Москванинг "Торпедо" жамоаси Россия Премьер-лигасининг 2025/26 йилги мавсум қатнашчилари рўйхатидан чиқариб юборилди.

"Торпедо" 2024/25 йилги мавсум Биринчи лидага иккинчи ўринни эгаллаган ва тўғридан-тўғри РПЛга йўл олганди.

Аввалроқ полиция "КАМАЗ"га қарши Биринчи лиганинг 34-тур учрашувида "Торпедо" фойдасига қасддан хатога йўл қўйганликда гумонланаётган футбол ҳаками Богдан Головкони қўлга олгани маълум бўлган эди.

Ўшанда учрашув 1:1 ҳисобида якунланган ва бу "Торпедо"га тўғридан-тўғри РПЛга чиқиши учун етарли бўлган.

"Торпедо" эгаларидан бири Леонид Соболев ва "оқ-қоралар" директори Валерий Скородумовни расмий спорт мусобақаси натижасига ноқонуний таъсир кўрсатишга уринганликда айбланиб, 2 ойга қамоққа олинган.

Эслатиб ўтамиз, Ўзбекистон терма жамоаси вингери Ҳожимат Эркинов 2022/23 йилги мавсум "Торпедо" шарафини ҳимоя қилган эди.

Link :

Source : Матч ТВ

Receive latest football news directly on your phone. Subscribe for our Telegram channel!

Rating: -3