ЕЧЛ. Бугун 1/8 финал учун қуръа ташлаш маросими бўлиб ўтади

Қуръа Тошкент вақти билан соат 16:00да бошланади.

Тарихда илк бора ЕЧЛ 1/8 финал босқичида фақат топ-5 чемпионат вакиллари иштирок этишади. Қуйида плей-офф босқичи масаласини ижобий ҳал қилган 16 жамоа номи билан танишинг:

Англия: "Тоттенхэм", "Манчестер Сити", "Ливерпуль", "Челси".

Испания: "Реал", "Барселона", "Атлетико", "Валенсия".

Италия: "Ювентус", "Наполи", "Аталанта".

Германия: "Бавария", "Боруссия" (Дортмунд), "Лейпциг".

Франция: ПСЖ, "Лион".

Навбатдаги босқич жуфтликлари аниқланадиган қуръа маросими 16 декабрь куни Швейцариянинг Ньон шаҳрида бўлиб ўтади. Қуръадан аввал 1/8 финалга чиққан жамоалар икки гуруҳга (сараланган ва сараланмаган) ажратилади.

Сараланган

"Бавария" (Германия, "B" гуруҳи)

"Барселона" (Испания, "F" гуруҳи)

"Валенсия" (Испания, "H" гуруҳи)

"Ливерпуль" (Англия, "E" гуруҳи)

"Манчестер Сити" (Англия, "C" гуруҳи)

ПСЖ (Франция, "A" гуруҳи)

"Лейпциг" (Германия, "G" гуруҳи)

"Ювентус" (Италия, "D" гуруҳи)

Сараланмаган

"Аталанта" (Италия, "C" гуруҳи)

"Атлетико" (Испания, "D" гуруҳи)

"Боруссия" Д (Германия, "F" гуруҳи

"Челси" (Англия, "H" гуруҳи)

"Лион" (Франция, "G" гуруҳи)

"Наполи" (Италия, "E" гуруҳи)

"Реал" (Испания, "A" гуруҳи)

"Тоттенхэм" (Англия, "B" гуруҳи)

Қуръа қоидалари

- Сараланган жамоалар жавоб учрашувида мезбон бўлишади.

- 1/8 финалда битта мамлакат ёки гуруҳ босқичида битта гуруҳда бўлган клублар ўзаро тўқнаш келмайди.

1/8 финал учрашувлари қачон бўлиб ўтади?

Нимчорак финалнинг дастлабки баҳслари 18, 19, 25 ва 26 февраль кунлари бўлади. Жавоб баҳслари 10, 11, 17 ва 18 мартга белгиланган.