"Челси" "Интер" етакчиларидан бирига кўз тикди
05 dec 2022 16:39
News

"Челси" "Интер" етакчиларидан бирига кўз тикди

"Интер" ярим ҳимоячиси Николо Барелла фаолиятини Англия Премьер-лигасида давом эттириши мумкин.

25 ёшли италиялик футболчининг хизматларига Лондоннинг "Челси" клуби қизиқиш билдирмоқда, деб хабар берди Calciomercatoweb.

Манбага кўра, "кўк-анорранглилар" Бареллани сотиб олиш вариантини жиддий кўриб чиқмоқда, чунки келаси ёзда "Челси" катта эҳтимол билан Жоржиньо ва Н'Голо Кантесиз қолади. Лондонликлар марказий чизиғини кучайтирмоқчи.

Қайд этилишича, "Интер" Барелла учун тахминан 80 миллион евро олмоқчи, аммо "Челси" Ромелу Лукакуни шартномага қўшишга ҳаракат қилади. Айни пайтда бельгиялик футболчи "Интер"да ижара асосида ўйнамоқда, миланликлар уни сотиб олиш имкониятини кўриб чиқмоқда.

Эслатиб ўтамиз, Барелла 2020 йилда "Кальяри"дан "Интер" футболчисига айланганди. Ярим ҳимоячи жорий мавсум миланликлар сафида барча мусобақалар доирасида 25 та ўйинда майдонга тушиб, 7 та гол урди ва 6 та голли узатмани амалга оширди.

Link :

Source : Calciomercato

Receive latest football news directly on your phone. Subscribe for our Telegram channel!

Rating: +1