Championat.asia "Transfermarkt" портали билан ҳамкорлик келишувига эришди

"Transfermarkt" портали минтақа футболининг Европа ва бутун жаҳонда бевосита Марказий Осиёдан ёритилишини таъминлаш мақсадида Ўзбекистоннинг етакчи футбол портали ҳисобланган "Championat.Asia" билан ўзаро манфаатли ҳамкорлик келишувига эришди.

2010 йилдан бери фаолият юритадиган "Championat.Asia" Ўзбекистондаги спорт ва футболга оид эксклюзив контент яратадиган энг нуфузли ва оммабоп портал ҳисобланади. Нашр ўз ўқувчиларига маҳаллий ва халқаро спорт/футболга оид энг сўнгги янгиликлар, статистик маълумотларни тақдим қилиб боради.

"Championat.Asia" сайти Ўзбекистонда футболни ахборотлаштириш ишларини такомиллаштириш учун таҳририятимиз билан ҳамкорлик қилади. Глобал футбол муҳитида ривожланиш учун янги қадам ташлашга ёрдам берадиган янги ҳамкоримизни кутиб олишдан хурсандмиз!", - деб ёзади "Transfermarkt" портали.

"Transfermarkt" портали 2000 йил май ойида ташкил этилган. Айни пайтда 9та тилда ўз фаолиятини давом эттираётган мазкур портал футбол ўйинлари натижаси, мусобақа жадваллари, трансфер янгиликларини ва футболчиларнинг трансфер нархларини ёритиб боради.

Transfermarkt и Championat.Asia заключили взаимовыгодное партнерство