Cергей Лушан: "Ғалаба қозониш учун гол уриш керак”

Ўйиндан сўнг “Сўғдиёна” бош мураббийи Сергей Лушан ва ўйиннинг энг яхши футболчиси деб топилган Шохруз Норхонов ўз фикрларини билдирди.

- Яхши ўйин бўлди. Ғалаба қозониш учун гол уриш керак. 4 та аниқ голли вазиятни яратдик. Гол уришимиз керак эди. Ушанда натижа бошқача бўлар эди. Пенальти бор ёки йўқ уни ҳакамлар бригадаси ва назоратчилар ҳал қилсин. Йигитларга эътирозим йўқ. Улар бугун майдонда борларини беришди. Бугун ўйинимизда мазмун бўлди. Ишлашда давом этамиз. Ишонаманки, кейинги ўйинларда натижа қилишга ҳаракат қиламиз - дейди жамоа бош мураббийи.

- Бугунги ўйин мухлисларбоб бўлди деб  ўйлайман. Биз қўлай вазиятлардан фойдалана олмадик. Ҳакам пенальтини белгиладими демак пенальти бор эди. Агарда вазиятлардан фойдалана олганимизда ўйин бошқача бўлар эди. Кейинги сафар ҳимоячилармиз қўлларини бойлаб чиқишади. Майдонга фақат ғалаба учун тушгандик. Лекин биргина пенальти ўйинни буткул ўзгартириб юборди, - дейди Норхонов.

“Сўғдиёна” ПФК матбуот хизмати