"Бухоро"да ҳам янгилар бор

Тачмурод Агамуродов оралиқ танаффусдан унумли фойдаланган холда, айрим чизиқларни кучайтиришга эътибор қаратмоқда. Жамоа матбуот хизматининг championat.asia га хабар беришича кеча жамоа Тошкентдаги "Жар" стадионида "Сўғдиёна" билан ўртоқлик учрашувида куч синашган. Мазкур ўйиндан олдин мураббийлар ихтиёрига етиб келган Бобур Акбаров ("Гулистон") ва Владимир Киликевич ("Динамо") ҳам жиззахликларга қарши кечган баҳсда "Бухоро" либосида ҳаракат қилган. Бу футболчилардан бироз олдинроқ "Бундёкор"дан ҳужумчи Баҳодир Пардаев жамоа машғулотларига келиб қўшилганди. Ҳозирча кўрикка таклиф этилган футболчиларнинг ҳеч бири билан расман шартнома имзоланмаган.

"Бухоро": Ботир Носиров, Наоя Шибамура, Девид Ония, Бобур Акбаров, Отабек Нарзуллаев, Алексей  Николаев, Илья Ильин, Отабек Валижонов, Алишер Санаев, Баходир Пардаев, Вохид Шодиев.
Захирадан тушганлар: Мақсуд Шабанов, Евгений Кочнев, Баҳриддин Ваҳобов, Алишер Азизов, Меҳрож Ғуломов, Азамат Шарипов, Асқар Муҳиддинов, Алишер Маҳмудов, Владимир Киликевич, Сардор Кобулжонов, Нодир Жўраев.
Голлар: Б.Пардаев, А.Азизов, Н.Жўраев.

Яна шуни ҳам айтиб ўтиш керакки, эртага "Бухоро" жамоаси яна бир ўртоқлик учрашувида майдонга чиқади. Бу галги рақиб "Бунёдкор".


Исломбек Рустамбеков