“Бухоро” йиғинида ҳам янги футболчилар бор

Булар – Муҳиддин Худоёров, Алишер Шоғуломов ва Шохруҳ Холматовдир. Якунланган мавсумда “Динамо” дарвозасини қўриқлаган Худоёров 16та ўйин ўтказиб, ўз дарвозасидан 24та тўп ўтказиб юборганди. Самарқандликлар қуйи лигага тушиб кетгач, 26 ёшли дарвозабон жамоа билан хайрлашишга қарор қилган кўринади. Бу бежиз эмас албатта. Сабаби “Бухоро” мураббийлар штабида фаолият олиб бораётган Тачмурод Шамакович унинг имкониятларини яхши билади.

Бундан ташқари Алишер Шоғуломовнинг ҳам бухороликлар билан машғулотда иштирок этаётганини айтиш лозим. Шунингдек “Қўқон-1912”дан Шохруҳ Холматов ҳам айни дамда “Бухоро” кўригидан ўтмоқда.