"Бухоро" ва "Бунёдкор" аъзолари IG G тести топширишди
08 aug 2020 13:35
News

"Бухоро" ва "Бунёдкор" аъзолари IG G тести топширишди

ЎзПФЛ пандемия шароитида футбол учрашувларини барча санитария қоидаларига риоя қилган ҳолда ўтказилишини таъминлаш, COVID-19 пандемияси даврида футболчилар, мураббийлар ва бошқа мутахассислар соғлиғи ҳолатини назорат қилиш учун малакали шифокорлардан иборат Комиссия ташкил этганидан хабарингиз бор.

Бугун ушбу Комиссия аъзолари томонидан "Бухоро" ва "Бунёдкор" жамоаси аъзолари Ig Gни аниқлаш бўйича тестдан ўтказилмоқда. Биласиз, 14 август куни айнан мана шу икки жамоа марказлашган чемпионатнинг илк ўйинида ўзаро баҳс юритишади. Ўтказилган тест натижалари мусбат чиққан футболчилар уларда антитана ҳосил бўлгани сабабли қўшимча тарзда функционал ҳолатни аниқлаш бўйича кўрикдан ҳам ўтишмоқда.

Ig G натижаси манфий чиққан қолган барча вакиллар қўшимча PZR тестини топширишади.

ЎзПФЛнинг COVID-19 даври учун комиссияси Coca Cola Суперлига клублари аъзоларининг барчасини бугунгидек тестдан ўтказиб, уларнинг соғлиғи ҳолатини назорат қилиб боради.