"Бухоро" Бакаев билан бурилиш қила оладими? Яйпанда икки аламзада жамоа тўқнашуви — Бугунги учрашувлар олдидан мутахассис фикри

 Мазкур тур бир қатор жамоалар учун ҳал қилувчи аҳамиятга эга эканлиги сир эмас. Ҳар бир очконинг қадри баланд, "Сўғдиёна", "Металлург", "Бухоро"да мураббийлар алмашди. Улар жамоаларини қийин вазиятдан олиб чиқиб кета оладими? Фарғонада "Андижон" - "Нефтчи" водий дербиси мақомидаги учрашув, тажрибали ижрочиларга тўлага ОКМК - "Навбаҳор" учрашуви ҳам диққат марказида бўлиши аниқ, дея оламиз. Бугунги учрашувлар олдидан мутахассис сифатида собиқ футболчи, Ўзбекистон футболчилар уюшмаси раҳбари Камолиддин Мурзоевнинг фикрлари билан қизиқдик. 

"Турон" - "Олимпик"

 — Яйпанда шубҳасиз чиройли ўйин бўлади. Бу баҳсда икки жиҳатни ҳисобга олишимиз зарур. "Турон" аввалги турда кўрсатдики, "Бунёдкор" сингари пас ва комбинацион ўйин қиладиган жамоаларга қарши ўйнай олишини кўрсатди. Тўп назоратида ҳам бошқа жамоалардан қолишмаслигини кўрдик. Умуман олганда тўп назоратига эътибор берадиган жамоалар беллашуви десак ҳам тўғри бўлади. Ҳозирда "Турон" ҳам, "Олимпик" ҳам аламзада, ғалабага чанқоқ ҳолатда. 

Bukhara

Superliga. Round 5 07/04/2023, 18:20 2 : 0 Finished

Bunyodkor Usmonali Ismonaliyev - 16', Mukhammadsafo Fozilov - 90'

45'

90'

11'  Humoyunmirzo Iminov

16'  Usmonali Ismonaliyev

26'  Aleksey Nosko

90'  Mukhammadsafo Fozilov

Open in Match Center

"Бухоро" - "Бунёдкор"

 — Бу ўйинга тўхталадиган бўлсак, "Бунёдкор" бежизга юқори ўринларда кетмаётганини исботлаши керак. "Бухоро"да Улуғбек Бакаев қайтди. У маълум вақт футболдан ташқарида юрди. Шу боис ўзининг айтадиган сўзлари бор. Ўз майдонида мухлислар олдида очко олишга ҳаракат қилишади. Лекин ўзига яраша қийинчиликлари бор. Чунки таркибни бошқа мураббий йиғган. Имкониятларга келсак, сўнгги ўйинлардан келиб чиқсак "Бунёдкор" фаворит мақомида бўлади.