Бускетс: "Ювентус" чиройли ўйинлари орқали финалга йўл олмади"

"Декабрга қадар "Ювентус" ЕЧЛнинг гуруҳ босқичида муаммоларга дуч келганди. Лекин улар сўнгги манзилга қадар келишлари мумкинлигини исботлашди. Мен туринликлар "Реал"ни ютишганидан сўнг уларни фаворит деб ҳисобладим. Жавоб ўйинида мадридликлар ўз имкониятларидан фойдалана олишмаганидан сўнг уларнинг кучларига шубҳам қолмади. Италия жамоалари шунақа, улар ҳар доим охирига қадар курашишади ва ғалабага қандай эришишни яхши билишади. "Ювентус" ўзининг чиройли ўйинлари ёки кўп киритилган голлари орқали финалга чиқмади. Аммо улар финалда ўйнашга лойиқ. Туринликларни мағлуб этиш жуда қийин. Финалда энг муҳими ғалаба. Тарихда жамоанинг ўйин услуби эмас, натижа қолади. Финалда ғалаба қозонишни орзу қилаётганимиз табиий. Чунки ўтган мавсумда ҳеч нарса юта олмагандик. Пирло жамоанинг муҳим футболчиси. Ўйинни ташкил этишда Пирло етакчи футболчи. Мората бу йили жуда яхши мавсумни ўтказмоқда. Уни "Ювентус"ни муҳим футболчисига айланишини тасаввур этиш қийин эди. Лекин Альваро тезда жамоага киришиб кетди ва жамоанинг муҳим футболчисига айлана олди. Мавсумнинг сўнгги ҳал қилувчи палласида Мората жуда яхши ўйин кўрсатмоқда. Агарда Мората ўз устида ишлашда давом этадиган бўлса. келажакда Испания терма жамоасининг етакчи ҳужумчисига айланиши мумкин", - дейди Серхио Бускетс.