“Бунёдкор”-2006 Барнаулда иккинчи бўлди. Биринчи – “Динамо” М, “Локомотив” М - учинчи

Геннадий Иванович Смертин - машҳур футболчилар, ака-ука Евгений ва Алексей Смертинларнинг отаси 2016 йилнинг март ойида вафот этганди. 2016 йили ушбу хотира турнирининг дастлабкиси ташкил этилган (2004-2005 йилларда туғилган футболчилар ўртасида “Олтой” жамоаси ғолиб чиққан эди). Ўтган йили эса 2005 йилда таваллуд топганлар орасида Москванинг “Динамо” жамоаси зафар қучганди. Бу йилги беллашувларга 2006 йилда туғилган ёш футболчилар жамланишди.

Олтой ўлкасининг бош шаҳри, ўзи туғилиб ўсган Барнаулда Алексей Смертин очган футбол мактабининг майдонларида ўтказилган баҳсларда олти жамоа иштирок этди: “Олтой” (Барнаул), “Локомотив” (Москва), “Динамо” (Москва), “Бунёдкор” (Ўзбекистон), “Альбирекс Ниигата” (Япония) ҳамда “Дэсунг” (Жанубий Корея).

Мураббий Улуғбек Боқиев қўл остидаги ёш “қалдирғочлар” 5 учрашувдан тўрттасида ғалаба қозонишди. Асосий рақиб – Москванинг “Динамо” жамоаси билан кечган ўйинда дуранг қайд этилди. Натижада, Улуғбек Боқиев шогирдлари 13 очко билан фақат тўплар нисбатигагина кўра мусобақада иккинчи ўринни эгаллашди. Учинчи поғонани “Локомотив” (Москва) банд этди, мезбонлар жамоаси “Олтой” эса тўртинчи бўлди.

“Бунёдкор”-2006 қайд этган натижалар ва якуний турнир жадвали:
“Бунёдкор” - “Олтой” 3:1
“Бунёдкор” - “Дэсунг” 7:1
“Бунёдкор” - “Динамо” 1:1
“Бунёдкор” - “Локомотив” 1:0
“Бунёдкор” - “Альбирекс Ниигата” 3:2

Ушбу мусобақада “Бунёдкор” академияси ёшлар жамоаси муносиб иштирок этиб, турнир сенсацияси деган номга лойиқ топилди. Шунингдек, мусобақа ташкилотчилари томонидан турнирнинг энг яхшилари сифатида икки нафар футболчимиз тақдирланди. “Энг яхши ҳимоячи” деб Ислом Анваров топилган бўлса, “Энг яхши ярим ҳимоячи” соврини Шамсиддин Турсунмаҳамадовга топширилди.

Барнаулда тўп сурган “Бунёдкор” U-12 жамоаси таркиби билан танишинг:
БОШ МУРАББИЙ - Улуғбек Боқиев
Мураббий – Ғулом Ҳалимтоев
Дарвозабонлар
Муслимбек Абдуманнопов (03.03.2006)
Ҳасан Каримов (05.07.2006)
Ҳимоячилар
Азизбек Алиқулов (08.01.2006)
Ислом Анваров (19.04.2006)
Аюбхон Асроров (27.06.2006)
Отабек Болтаев (21.06.2006)
Ҳусан Каримов (05.07.2006)
Акмал Раҳимов (22.04.2006)
Азизбек Тўлқинбеков (10.02.2007)
Ярим ҳимоячилар
Абдураҳмон Абдусаматов (01.07.2006)
Миржалол Азимов (08.01.2006)
Озод Аҳмедов (12.04.2006)
Абдулҳамид Икромов (21.07.2006)
Шоҳруҳ Қаҳҳоров (05.08.2006)
Шамсиддин Турсунмаҳамадов (02.10.2006)
Ҳужумчилар
Муслим Жамолиддинов (06.08.2006)
Жаҳонгир Исомиддинов (30.01.2006)
Абдураҳим Исмоилов (29.03.2006)