Бугун Тошкентга учиб келадиган футболчи Италия А сериясига кўчиб ўтмоқда
08 oct 2024 13:39
News

Бугун Тошкентга учиб келадиган футболчи Италия А сериясига кўчиб ўтмоқда

Эрон миллий терма жамоаси вингери Алиризо Жаҳонбахш айни пайтда эркин агент мақомида бўлиб турибди.

Бугун терма жамоа билан бирга Тошкентга учиб келадиган футболчи "Женоа" клуби билан келишувга эришган деб хабар бермоқда, Tasnim ахборот агентлиги.

Маълумот учун, Жаҳонбахш 1 июль куни "Фейеноорд"ни тарк этганидан сўнг клубсиз эди. У Эрон терма жамоаси сафида 87 та ўйин ўтказган ва 17 та гол урган. "Женоа" 7 та ўйинда 5 очко тўплаб Италия А серияси мусобақа жадвалида 20 та клуб орасида 18-ўринни эгаллаб турибди.