Бугун «темирйўлчилар» «Ажман» клуби билан ўртоқлик-назорат учрашувини ўтказадилар

Бугун Абрамов бошчилигидаги жамоа ушбу йиғин давомидаги сўнгги ўртоқлик-назорат учрашувини ўтказади. Рақибимиз БАА Про лигаси вакили «Ажман» жамоаси.

Жамоа Ажман амирлигида жойлашган. «Ажман» ўз уй ўйинларини «Ajman Stadium»да ўтказади. Клуб “Etisalat Emirates Cup 2013” кубоги сохиби. «Ажман» такрибида гвинеялик Саймон Фейндуно, Борис Каби (Кот Д’Ивуар, жамоа сардори), Аҳмад Иброҳим Ҳалаф (Ироқ), Бакари Коне (Кот Д’Ивуар) каби легионер футболчилар жамланган.

Учрашув Тошкент вақти билан 18:00да бошланади. Ушбу ўйин билан жамоамиз БААда давом этган 10 кунлик йиғинни якунлаб эртага пойтахтимизга қайтиб келади.