Бугун ОФКнинг 33-Конгресси бўлиб ўтади. Равшан Эрматов ОФК Ижроия қўмитаси аъзосига айланади
01 feb 2023 11:23
News

Бугун ОФКнинг 33-Конгресси бўлиб ўтади. Равшан Эрматов ОФК Ижроия қўмитаси аъзосига айланади

Бугун, 1 февраль куни Баҳрайнда Осиё Футбол Конфедерациясининг 33-Конгресси ўз ишини бошлайди.

Конгрессда ОФК Ижроия қўмитасининг ваколат муддати 2023 йилдан 2027 йилгача бўлган янги таркиби ҳамда ФИФА кенгашидаги ташкилот вакиллари сайланади.

Конгресс кун тартибидан Ташкилот Бош котиби, қўмиталар ва органларнинг ҳисоботлари ўрин олган.

Шунингдек, ОФК Конгрессида 2027 йилги Осиё Кубогига мезбонлик қилиш масаласи ҳам муҳокама қилинади ва мезбон давлат овоз бериш орқали тасдиқланади.

Маълумот учун, ЎФА биринчи вице-президенти Равшан Эрматов ОФК Ижроия қўмитаси Марказий Осиё минтақасининг якуний номзодлар рўйхатидан ўрин олган. БАРЧА НОМЗОДАР РЎЙХАТИ

Маросим Тошкент вақти билан соат 12:00 да старт олади. Уни қуйидаги ҳавола орқали жонли эфирда томоша қилишингиз мумкин.