Бугун ЎФФ 2017 йилнинг энг яхшиларини тақдирлаш маросимини ўтказади
14 dec 2017 09:00
News

Бугун ЎФФ 2017 йилнинг энг яхшиларини тақдирлаш маросимини ўтказади

Бугун, 14 декабрь куни Алишер Навоий номидаги Давлат академик катта театрида футбол бўйича 2017 йилнинг “Энг яхшилари”ни тақдирлаш маросими бўлиб ўтади.

Бугунги маросимда бир қатор номинациялар бўйича жорий йилнинг энг яхшилари аниқланади.

“Йилнинг энг яхши футболчиси”

“Йилнинг энг яхши аёл футболчиси”

“Йилнинг энг яхши мураббийи”

“Йилнинг энг яхши ёш футболчиси”

“Йилнинг энг яхши футзалчиси”

“Йилнинг энг яхши мухлислар жамоаси”

“Йилнинг энг яхши клуби”

“Энг яхши футбол академияси”

“Ўзбек футболи ривожига ҳисса қўшаётган энг яхши чет эллик мураббий”

“Fair Play” соврини

“Ёшлар лигаси ғолиби”

Бу йил Ўзбекистоннинг энг яхши футболчиси ва мураббийини миллий чемпионатимизда иштирок этаётган клуб бош мураббийлари ва сардорлари овоз бериш йўли билан аниқлашди.

Маросимда эстрада юлдузлари ва халқимиз севган қўшиқчилар чиқиш қилади.

Тақдирлаш маросимида вилоят футбол федерациялари масъуллари, миллий чемпионатимизда иштирок этаётган клублар раҳбарлари, футболчилар, мураббийлар, футбол академиялари тарбияланувчилари, шунингдек, юртимиздаги чет эл давлатларининг элчихоналари, турли вазирликлар, идоралар, ташкилотлар вакиллари ва ОАВ ходимлари иштирок этади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +13